再戰 Wendy Bridal Salon

自從係 Amelia wedding 租咗果套復古婚紗之後，我有少少後悔.......

後面幾靚，但係前面就越睇越吳順眼......

我開始掛住 Wendy 之前show俾我睇果件大露背lace 短袖復古婚紗

其實果件衫既設計同我响Amelia confirm 果件有 D似

我當時無响 Wendy 度 confirm 因為果件衫未造！

只有一張show 背脊既雜誌相睇，完全吳知正面係點

Wendy 有俾另一件類似既婚紗我試，佢形容為 "睡袍"

其實無佢形容得咁誇張，都有腰線，只係有少少鬆

個款好似spring wedding 呢件

因為我鍾意著D比較修身既衫，所以吳敢冒險

而且Funny 先生係咁哦我，叫我吳好搏

我諗咗好耐，吳得！一世人一次，點都要靚！

於是約埋Funny 先生上去Wendy 度，著一次俾佢睇

佢見我咁堅持，都無再講D咩，由我去

8月中先有得first fitting

十分十分十分期待！

我仲有响Wendy 度租咗一件紅色旗袍同褂

酒紅色lace 旗袍，背脊全lace，仲有少少魚尾

著上身好有線條美＾＾



我本來想租紅色多D 既褂，好似無咁老土

但係當我上網睇多咗人地既結婚相之後又覺得多D金銀線好似貴氣D

所以最後租咗一件大五福



褂係一生人只可以著一次，所以下身係拼上去，我無著哂全套

吳講大家可能吳知

褂係一定要有龍鳳，吳可以係花

因為根據傳統，繡花褂係偏房或者填房著

龍鳳褂先係正室著

所以大家吳好因為貪靚而著錯褂喇！

媽咪衫 Part 2

上個禮拜請咗半日假又陪媽咪去睇衫

呢次目的係搵一件晚裝

我地响百利行咗一個圈，連姊妹衫款既晚裝都睇埋

但係媽咪都係吳鍾意

於是我提議不如再去chamging image 睇下有無新款出

之前媽咪都係果度睇中咗一條寶藍色晚裝

但係我媽咪有紅色情意結，而且當時條裙太大條

加咗扣針之後都有D鬆，所以我地無confirm 到

呢次佢地拎出黎既晚裝我媽咪都係麻麻地

媽咪都係掛住果條寶藍色晚裝，不過條裙去咗工場改

佢地都好好人，特登上工場攞落黎俾我媽咪再試

咁啱條裙改好既size 媽咪好啱身

咁就即場confirm 埋

原來佢地仲有girdle 賣，一個二百幾蚊

都吳算貴，順便買埋俾媽咪~

媽咪衫

我分別同媽咪、99去過幾間其他blogger 推介既舖頭選媽咪衫

我地第一間去咗太子愛都既心研

佢地D 衫都幾好幾多選擇，偏向傳統款式但係吳算老土，$800幾蚊租一件

媽咪試咗一件絲絨，本來都想confirm

但係我返屋企諗諗下，媽咪著絲絨好似睇落去老D，都係吳好

之後去咗尖沙咀顯卓，呢間係樓上舖，樓下有 D姐姐派傳單拉客

我上到去，佢地先俾相簿我地睇，但係我媽咪一件都睇吳上眼

款式有D老土，都係大概$800幾蚊租一件

出黎之後我地又去咗紫水晶，佢地都係好多媽咪衫，不過我媽咪吳鍾意

呢次無功而還之後幾個禮拜我地再次出戰尖沙咀

第一間去咗 perfection wedding
D sales 好細個，佢地叫我地電腦睇相先

款式都幾新潮，仲有晚裝款

不過要約時間先可以試，仲要千幾蚊租一件........

我地跟手去咗百利既chaming image

呢度既sales 有經驗好多，而且非常nice

佢地介紹咗一件旗袍俾媽咪，上年新造既


粉紅色底加黑色lace，cutting 好靚



側面開叉，係瘦媽咪至著到~~~

由於呢件衫係上年新造，所以要租$12xx

媽咪鍾意就好^^

媽咪仲試咗一件寶藍色晚裝

個款佢好鍾意，不過佢有紅色情意結

話喜慶事紅色好D wor，所以無選到

媽咪還好，我同佢生活咗二十幾年，都大概知佢D喜好

99就麻煩好多，我簡直茫無頭緒

佢D 喜好好漂忽，一時話鐘意閃，一時話要素

一時話著黑色，一時又話鍾意桃紅，一陣間又話要 tiffany blue..........

到而家為止，我淨係知佢吳鍾意絲絨衫....

confirm 婚紗

我承認我其實好懶，我無好似其他 B2B  咁試多幾間婚紗先 confirm.......

我主要係上網做資料搜集再出去睇實物

到而家為止我只係上過三間婚紗店..........

我要揾既係 vintage 婚紗，吳係咁多地方有

上次講我上 wendy 度揾吳倒心水婚紗之後

第二個禮拜我去咗上環 Amelia wedding

呢間婚紗店係我二月婚展時發現既

當時佢地display 咗一件vintage 婚紗出黎，仲有一D類似Vera款既婚紗

只要落$100訂就可以上去大概試8件

我本著一試無妨既心態就去咗

原來佢地都有幾多vintage 婚紗

我選咗呢件大露背


我當時一著上身就覺得非常鍾意

但係當返睇D 相，又覺得前面好似好肥好大隻咁 >_<



我仲confim 咗另外一件low cut 婚紗，著得我好瘦

雖然一D釘工都無，但係我直頭有the one 既感覺





背部既設計有D vintage 原素

仲有件紫色晚裝



我超鍾意，超有女人味 (嘩哈哈........自己贊自己~~)

我都試咗旗袍，雖然係fit size，不過總係覺得怪怪地



我返屋企之後俾相媽咪睇

佢一睇就話﹕做咩件衫個胸咁低？

又係wor！吳怪得總係覺得怪怪地啦！

所以我淨係join 咗三件衫既package，大概＄5XXX

我諗旗袍都係返Wendy 度租

佢D旗袍造得好靚，好fit

仲會著得人身材好D  

咭片皇相簿

 3月婚展專登入去join 咗咭片皇印相簿package

自己排好版再send 去印

大概一個禮拜就印好，非常之快

可以選擇送貨到屋企，不過我屋企成日都無人

所以自己到取

佢地office 係葵芳工業村，一D 都吳難搵~~

係葵芳地鐵站C出口，左手邊有條行人隧道

睇指示响工業區出口出，咭片皇就係出口左手邊果座大廈

每一本相簿都係獨立用袋套好再外包紙盒，不過都幾重

今日又落雨，搬到我呢......

封面同內頁都可以選啞面同"令"面

我吳想咁閃，所以選咗啞面

品質都吳錯



最細果本俾媽咪

其他分開每個造型一本相簿

眼尖既你會發現少咗本夜晚相簿

因為Funny 先生話佢想試下

難得佢咁熱心，咁我又點會拒絕呢

搵裝修 cf

攞到新屋鎖匙之後我地就開始著手搵人裝修

我地搵咗兩個c f 打價

一個係我朋友既未來62，佢做咗好多年裝修，有自己公司

另一個係我上網搵既

我本來係想搵佢另一個師兄，不過佢師兄非常之忙

連email 都吳得閒覆我，無哂聲氣

我從佢blog 既留言板搵到而家呢個 c f

佢效率好高，即晚已經覆我email

之後我約哂兩個 c f 係同一日吳同時段上新屋度睇

第一個黎既係我上網搵既雅國 c f

佢真係好後生，大概30 - 40 歲

c f 好好笑，佢有個口頭禪 "我幫你諗諗佢，盡量造平D"

對於我地既提問都好耐心咁解答，仲會細心咁用筆記低

佢吳會好似一D裝修老 c f 咁，一味ban 你

佢會諗一諗，然後話俾你知做吳做倒

佢臨走仲話會即日俾個報價我地睇睇先，如果吳啱吳覆佢就得

之後係我朋友個未來62

佢都好nice，仲俾咗好多意見我地

佢足足係我地間屋度停留咗兩個鐘

不過佢係咁ban 我地 D idea

佢都係好心想我地用好D既料，等將來間屋住得舒服D

我知道佢最後會俾個友情價我地

最後兩位c f既報價都係相差一萬蚊倒

當然人地62用料靚D 啦！

不過我地最後簡咗雅國 c f，因為我地覺得同佢溝通容易 D

人地62成日想用靚料，就算佢俾個友情價我都有可能out budget 呀！

而且咁熟我會吳好意思講價

雅國 cf 仲有樣野好，就係佢識用電腦畫圖

佢即晚已經晝好咗我地要造櫃既圖同報價單一齊email 俾我

呢個係我大廳會造既大櫃

仲有房張床同衣櫃



呢個只係初步設計圖，我地仲會再改野

收樓

我地間屋係3月8日收咗返黎

收樓前幾日，按慣例可以上間屋度驗樓

因為我同Funny 先生都係第一次買樓

穩陣起見，我地請咗專業人事詹濟南黎驗樓

佢價錢係續尺計

我地間屋都吳係好大，所以大概千零蚊左右

詹濟南果日帶咗個助手上黎，佢地都check 得好快

大概用咗半個到一個鐘

佢地會話俾你聽有咩問題，仲會即場打印埋一份summary 俾你先走

上面有佢個印章

如果係大廈外牆有問題，交佢份報告俾管業署就得

不過我地個前業主好鬼麻煩

詹生一講D問題俾我聽，佢就反應勁大

即刻衝過黎同詹生爭論，好似我地抵毀佢間屋咁

搞到我同詹生都講吳倒野 -_-

最後要避入廚房閂埋門先講倒野...........

個 agent 又鬼咁醒wor，一見前業主吳鐘意

即刻係咁催我地快D，話前業主趕住約咗人去飲茶wor.........

激死！

之後我地出咗去律師樓度搞埋D手尾同俾律師費

順便陪99去睇衫