~~ 酒席一 ~~

學校終於係12月考完試，而我都係咁e 休息咗兩個禮拜，除咗返工就係養肥豬~~~

話說回來，我一開始本來無咁快諗住訂酒席，因為仲有兩年咁耐(我自己覺得)，都只係閒時上吓網搵料。而且可能我去飲既經驗吳多，係我心目中大部份既場地都差吳多，食物更係大同小異

因為我哋都係做飲食業，原本只係諗住搵的係酒店做既朋友攞 “電視框”，雖然酒店中菜無咁好食，但係就吳會失禮同事親戚朋友

我係esdlife 個 forum 度見到有好多人講煌府，咁橋我記得我有個就黎結婚既同事上年提過煌府會有個新場係尖沙咀，於是我開始對 The one 煌府產生興趣

果時The one 只係開咗一個月倒，我係網上面見好多人對煌府讚不絕口，有無敵大海景、特大新娘房連獨立廁所、超大 LCD 螢幕、旋轉大舞台…………wow 好鬼利害，的相睇落去仲靚過酒店

我忍吳住啦，係一次同學飯聚後，我拉埋成隊5、6個人陪我上去睇吓。

一出lift，大家都O哂咀，好靚！！！！

紫色！係我最鍾意既紫色！～～～～～～～～～

可能我地果日成班女仔啦，雖然搵咗個 sales 講解，但係佢以為我地運吉，係咁e 講咗少少野就走開咗，無再理我哋．．．．

我返屋企之後思前想後，再做咗一大輪資料搜集同比較，我要The one 煌府！其實都吳到 Funny 先生諗，我話哂事，呵呵呵～～～

之後我再拉埋Funny 先生上多去一次，游說佢，順便問多的資料

~~我們要結婚了~~

開咗blog 差吳多一個月，但係近期公司癲忙，一直都冇時間update 吓。

講到我同 Funny 先生既wedding planning, 其實好好笑。

由始至終佢都好似我 Boss 咁........我不停咁計劃計劃同計劃，係咁做資料收集，然後再做 proposal比佢睇，如果佢無異議先 go go go

其實我吔咁樣都吳錯吖，少咗好多爭嗌，不過我覺得我好鬼似佢秘書囉~~

由我地開始儲錢為將來做準備，然後佢今年既某一日問我

"結一次婚要用幾多錢架？"

"我都知道大概既......咁不如去婚展做吓research law"

...................................................................................................................................................................................................................................................................................................................................................................咁就大鑊啦！我開始一發不可收拾，係咁上人哋的 forum 同 blog.........之但係 Funny 先生仲未求婚架！！！就係咁，係我既大力推動下，我地已經訂咗酒席

其實我好介意架！一生人一次，佢一定要求婚！但係已經冇咗果的感動同 surprise 喇，唉......