Candy for Candy corner - Part II

結婚前一個禮拜做咗好多野

不過太忙，一直無時間同大家分享

成日以為結咗婚之後就會有時間blog 返

點知......仲忙過結婚前呀~~~~~~~

因為吳想老公食埋哂餐廳D無益野

我一個禮拜差吳多煮足四晚飯

其他日子就係返兩邊媽咪同奶奶度食飯

仲要洗衫打掃.........我覺得我而家似女傭多D =_=

睇黎都要加把勁快D教識老公點做家務~

言歸正轉

我搵 candy corner 既紫色糖搵咗好耐

因為我想要獨立包裝

咁樣衛生D，又方便處理

終於俾我晌機場揾到！

糖果店晌二號客運大樓

叫菓風小舖

買台灣糖果

我買咗差吳多成千蚊糖:P

大波板糖

細波板糖



金平糖

比堅尼綿花糖

藍莓軟糖

提子軟糖

朋友既男友晌酒店餅房做

所以幫我造咗D馬卡龍~~~

 

當晚 setting

我返黎喇~~~

結婚前兩個禮拜忙到癲！

結婚後又要招呼遠道而黎既親友

兼且執拾新居

雖然無去旅行都忙到一頭煙

我而家好努力咁學做一個靚太

日日放工買餸煮飯

希望可以將 Funny 先生養到肥肥白白

結婚果日真係好攰

就晌迷迷糊糊中渡過

不過而家諗返起都幾開心既~

遲下會慢慢post 返

敬請留意.....hehehe

花球

我選的花球很簡單

白色、藍色、紫色

我覺得有D anges' b feel XD

晌 K's Floral Wedding 度訂

大約一個月就造好

我訂呢個係仿真花花球

因為我覺得用一次既鮮花好浪費兼麻煩

要big day前一日先可以攞

而且要專人照顧

我呢個仿真花連阿媽都話好逼真！

我訂既係 package

有一個仿真花球，一個新郎襟花

同18 個絲花襟花同手花俾兄弟姊妹

$9XX

花球 & 新郎襟花

兄弟姊妹用既手花襟花

紅色係俾四大長老用

因為考慮到佢地可能吳係咁接受白色

我用電話影得吳係咁好

實物顏色 shape D~

Candy jar

尋日放工去吉之島買野食返屋企同姊妹團開大會

經過一間曲奇店

我立刻眼前一亮！

好多好多 Candy jar！

一樽樽裝住曲奇

小樽 $38
中樽 $68

我即刻問sales 個價錢係咪連埋個樽

個 sales 姐姐露出咗一個好奇怪既表情

哈哈哈，對我地呢D 要預備 candy corner 既 B2B黎講

醉翁之意當然不在餅啦！

我買咗中樽

個樽大概18cm 高

吳連蓋12cm

係硬膠造，比較輕身

D餅都幾好味，我攞返公司請同事食~

餅店叫 Rachel's Cookies

尖沙咀有分店

九龍尖沙咀彌敦道36號CKE重庆站購物商場2樓312-315號舖(K7)段

淘宝物資

 

第一次學人淘宝，淘咗好多野返黎~~^^

1. 三層架攞黎擺 candy corner 既馬卡龍

RMB76 + 國內快遞RMB13

2. 電子蠟燭我之前晌笋崗買咗蠟燭台

又怕放真蠟燭危險

所以晌淘宝搵電子既

估吳到咁平，一隻RMB2.8

我買咗一盒12隻，運費RMB8



真係好抵，而且像真度高

放咗入蠟燭台之後幾靚~~~



3. 珠光簽名筆+ 拍照小道具

簽名筆RMB5.5 支

拍照道具RMB45

運費RMB8

4. Hershey's Kissis 紫色朱古力

RMB50 有500g

我買咗1kg + RMB10 運費

以上運費係送到東莞

因為我用集運

之後由東莞到香港旺角自提站既運費只係$48

其實可以送到屋企附近OK便利店

不過我D貨加理之後size 太大

便利店吳收，所以自己去旺角攞

以下係各店既淘宝link:

蕾丝陶瓷蛋糕盘/下午茶蛋糕架 浮雕

黄灯 逼真小蜡烛

珠光指纹签到笔 6色选
26款搞怪胡子红唇造型 拍照小道具
hershey‘s好时黑巧牛奶巧克力

Map Card

我發現原來好多人吳識去 The ONE

再加上個商場本身無中文名

造成咗溝通問題

所以我自己造咗張 map card 入落張帖度



個地圖係晌 The ONE 個網頁度 download 落黎

本來係想自己晝

但係 The ONE 個地圖都好靚

所以就直接攞黎用

有興趣自己design map 既

可以參考以下 blog

DIY Tutorial I - Wedding Map

DIY template II - General Stationery

DIY template III - Elegance of Fonts

我用software design 好個圖之後

就去商務買咗咭紙返黎印

一張A4紙印四張map card

然後再用切紙機 cut 好

咁就搞掂喇~

925過大禮

今日終於過咗大禮

聽日可以開始派帖啦！

我尋晚好緊張好緊張

吳知今日會點

所以一直訓吳著

而家勁攰

原諒我打得呢幾行字......

----------------------------------------------------------------------

update on 28 Sep

過大禮D野99一手包辦

我都係尋日先知佢攞咩黎

佢之前話一切從簡

結果......都吳係好簡

	正式版	現實版
禮金盒	過大禮還有一個禮金盒；
	內放蓮子、百合、青蔞、扁柏、檳榔兩對、芝麻、紅豆、綠豆、紅棗、合桃乾、龍眼乾（這四款同樣以雙數計算）；還有紅頭繩、利是、聘金、飾金等。男方還要預備龍鳳燭一對及對聯一幅。	奇華禮金盒內放︰蓮子、百合、紅豆、綠豆、紅棗、合桃乾、龍眼乾、利是、聘金 飾金、扁柏、紅頭繩另外放
海味	有所謂四式、六式和八式等；視乎經濟情況和家庭成員人數而定斤數，通常每款分兩包裝，重量不論。除髮菜是必備外，其他還有鮑魚、蠔豉、乾	大利是代替
	瑤柱（元貝）、冬菇、蝦米、魷魚、海參、魚翅、魚肚等。
三牲	雞兩對，須兩雄兩雌。若父母	大利是代替
	健在用兩對，否則一對即可。豬肉三至五斤起雙飛，即一片相連開二
魚	取其有腥（聲）氣，通常用大魚	大利是代替
酒	洋酒、米酒共四支	大利是代替
椰子	取其有爺有子之意。若父母健在用兩對，否則一對即可	椰子糖
四京果	生果、龍眼乾、荔枝乾、合桃乾、連殼花生，俗稱四京果	生果籃四個加四京果
油麻茶禮	即茶葉、芝麻。因茶樹不能移植，種植的時候需用種子，以茶葉作禮，即祝願種植不移之子。亦寓意一經締結婚約，女子便要守信不渝，絕無反悔	茶葉兩包

99叫我阿媽淨係回返兩封$168 利是就得

我地事前吳知佢偷偷地放咗四封大大大利是入果籃度

佢地走咗之後，我一拆開個果籃

就俾果四封大利是嚇親！

Candy for Candy Corner - Part I

我頭痛咗好耐Candy corner 擺咩糖

人地外國既 Candy corner 佈置得好靚

有 color theme



因為我 wedding theme 係紫色

順理成章我個 candy corner 都會佈置成紫色

但係純紫色獨立包裝既糖晌香港真係近乎無

我想搵獨立包裝因為衛生D

食吳哂都可以攞返走

終於俾我晌淘宝搵到佢！！

Hershey's Kisses dark chocolate

香港無得買，呢包係美國版

340g 要成 RMB50 幾

順豐運費below 1kg又要$50

其實都吳平

等咗一個禮拜先收到

之後又俾我搵到另一間，平好多

因為佢地係賣散裝

我擺candy corner 無咩所謂

珍妮進口食品

500g 只係要RMB50

我今次用集運送黎香港

below 2kg 只係$36

好想快D收到~~~

我會晌價真俴買多包銀色mix 埋

454g 只係 $4X

應該會幾靚

新作 - 賓客簽名筆

我整咗簽名筆啦！

多謝blog 友 Colly 既資料~~

想知造法，可以去 Colly 個 blog 度睇

DIY 簽名筆 (上)

DIY 簽名筆 (中)

DIY 簽名筆 (下)

佢有詳細講解

又黎 DIY 之 結婚證書套

我本來都吳諗住整結婚證書套

不過聽聞晌婚姻註冊處簽紙之後淨係會俾張證書你 連 file 都無 為免整皺張紙又或者吳見咗 我都係自制咗一個證書套出黎 材料︰

A4 硬卡紙x 2 大硬卡紙 (要大過A3) x 1 熱溶槍x 1 布x 1碼 海綿 (可到金魚舖買) x 2 裝飾用 lace & 絲帶少許
 

1. 首先裁好大硬卡紙，每邊約預留1cm空間，中間留1.5cm 作書脊

2. 剪好布，大概要俾裁好既大卡紙大D

3. 剪好三塊海綿，大小分別是左右頁同書脊的大小

4. 在書脊位置輕輕的用界刀界兩條直線，作用是令卡紙對摺後不易變形。

5. 用熱溶槍依次將海綿、布固定好在卡紙上。在書脊位的布可以略為向內摺，做好後比較美觀。



6.  黏上自己鍾意既裝飾

7.  反轉後用熱溶槍黏好兩塊 A4 卡紙，右手邊可以放相。

8. 我晌左邊黏咗相角，方便日後固定張證書，相角晌文具店可以買到。亦可以用絲帶。

9. 完成！

雖然無盟果D咁靚，不過成本吳使 $100~

DIY 介子枕

 

介子枕呢個item 晌好多個月前已經開始咗

我本來想整下面果款



好可惜我失敗咗........

掉低咗一排

前日去深水埗諗住買布再整過，俾我發現到呢樣野

只要用手堯堯堯就會變成一朵花~~

介子枕好易整

首先度好你想要既大細，剪兩個一樣既正方形出黎

再用大頭針拮好四邊

用針線縫好四邊但留一個小缺口

再從小缺口中將布從裡面拉出來

塞D綿花入去

跟住就可以將朵花縫上個枕頭度

再加上絲帶

最後將個缺口縫埋

登
登
登
登
.
.
.
.
.
.
.

我見仲有材料，就將之前果個介子枕重新整理過

兩個都咁滿意，用邊個好呢？

露背復古婚紗......我等到啦！

响 wendy 度造租既復古婚紗終於造好

等咗兩個月

著上身都幾好，同原圖有8成似

條裙係全用lace 造

吳知係咪因為我睇過原圖張相

正版係用好軟身既白色令面布造

裙尾有波浪紋，無叉

淨係衫袖用lace

我覺得 grand 好多

不過算啦！而家係造租，所以吳到我話事

呢條復古婚紗會响 march in 時著

妳地又覺得條裙點？

兄弟裇衫

兄弟裇衫呢 part hold 咗好耐都一直未決定到

因為我有好多idea

不過最後基於經濟及各種考慮因素

我地都係 back to the basic......

我本來諗住背心襯裇衫

可惜兄弟團實在太瘦

俾男友ban 咗

咁好啦，不如造套特別D既西裝？

男友話無咁多budget....=_=

最後都係死死地氣同佢去買兄弟裇衫就算

我地去咗旺角既荷李活中心

白色恤衫大概$9X 一件

最後睇中咗呢件紫色，$12X/pc



襯淺紫色煲呔都幾好睇吖～

煲呔方便做野，又 grand D

點知。。。。。。。。。。。。。。。

男友D兄弟又有意見 =_=||

話煲呔似 waiter wor！

最後都係要買普通呔

囍嫁 - 印請帖

等咗兩個禮拜，男友終於有時間同我去印帖

煌府送既帖係 outsouce 既，果間野叫囍嫁

兩年前係送另一間，book 酒席既時候我地睇過帖既sample

成大疊，好多款選

我地當時已經睇中咗呢款

好可惜囍嫁送既款式只有十幾款

好 common ，一D都吳靚............

靚少少既款要加 $1.8 一張

我真係選吳落手，唯有俾錢轉上面果款

然後，原來信封又係吉既！

即係無印 "送呈"、"台啟" 果D

印既話要擺低 $0.3 / pc

咁就焗住俾咗 $588

地址︰九龍太子道西141號長榮大廈11樓A室
Tel ︰23805999

好易搵，晌太子金都隔離既恒生銀行轉彎就係

遞交擬結婚通知書 -- 嚇死我喇！！

唉~~~~~屋企部老爺電腦呢排又 "shock shock" 地

搞到我無辦法打blog，成兩個禮拜無update 啦！

唯有晌公司食飯時間沖沖打埋呢篇分享，如果吳係我會吳記得呀~

話說我地晌網上預約咗交擬結婚通知書

如約晌兩個禮拜之後，即係離婚期前兩個禮拜既早上8:45 去到尖沙咀婚姻註冊處

由於我地攞到一號籌，係第一對選時間

我地晌網上預約咗時間之後，跟手已經晌網上填埋果份婚姻登記資料表格

http://www.gov.hk/tc/apps/immdmarriageinfosubmission.htm

吳使即場填咁花時間

職員幫我地核對過資料就同我地選時間

職員︰根據你地選既日子，你地可以選擇晌當日既9點到11點半註冊

我︰(呆咗兩秒) 咩夜晚11點半都有人註冊架咩？

職員︰吳係，係早上9點到11點半

我︰吓！？
我當時個腦一片空白，點算？

職員遞上一份所有婚姻登記處既開放時間表俾我

原來星期六下午得中環大會堂婚姻註冊處會開.......

最過份係星期日下午大部份婚姻註冊處都開  T_T

好彩幫我地登記既職員好好人

佢同我地講我地可以先選擇咗尖沙咀既時間

然後晌當日四點後去金鐘註冊處(大會堂只開放註冊)睇睇

如果網上預約咗時間果D人選晒時間，我地就可以選

辦完手續後我即刻打電話去金鐘問

但係個職員想耍我，話當日有籌既人都未選晒時間

我同佢講話尖沙咀既職員話得架wor，佢先叫我四點後去睇睇

我大約四點再打去金鐘問佢地仲有無位淨

今次個職員又好好人播，即刻幫我查

改註冊地點/時間一個人去就得

於是Funny 先生晌落場時間去咗一趟

最後都改咗下午3:15........真係一額汗

Funny 先生後來話俾我聽

佢一去到有個好衰既男職員想耍佢

又話當日攞咗籌既人未選哂時間，吳俾我地改

Funny 先生話我地打電話黎問過佢先放行喳！

政府 D 人真係..............no good 

婚姻登記處地址及辦公時間

我地三個月後就晌呢度註冊啦！

吳知到時仲係咪紫色呢？