美白牙貼試用報告 + Pre wedding 男禮

美白牙貼我乖乖的貼了一個星期，基本上牙齒係有白到既

但係我兩隻犬齒變化不大，其實我之前去牙醫度問過

佢都話我兩隻犬齒就算去漂牙都無咩用，因為我 D牙黃吳係因為有積

而係因為我身體吳好，食得太多葯

咁所以美白牙貼係work 既！我D朋友都覺得我D牙明顯白咗

只不過，大家用既時候要考慮到牙貼有 D腐蝕性物質

搞到我流牙血，仲會對冷熱野有敏感

接住落黎要講既係 pre wedding 男禮

我雖然係 Wendy 度搞掂咗自己既衫

不過Wendy 度無咩男禮選，所以我地要另外搵

Funny 先生其實好難搵衫，因為佢又高又特別瘦

我地見佢上次係希臘女神果套衫都幾好

於是走去問下，佢地話租 $1800一套......

左度右度，以為度度男禮都差吳多

結果我地去咗Fairlady 度租咗 $1100一套

其實都吳係特別好，仲以為已經好平

就係影相前一個禮拜，因為去金都想搵件背心俾Funny 先生

我地發現咗佢
.
.
.
.
.
.
.
.
.
.
Gentle Tuxedo 風度男士禮服

佢D 衫質料好挺身，又多款色

而且一D 都吳似金都 D MK 款

著得Funny 先生既瘦削身型好靚

做一套大概$2000，租既話$850一套包背心同呔

搵到佢既時候開心死我地

而且店主 John Lau 非常非常好人

我地差吳多試勻晒佢舖頭D 衫

佢吳單止無不悅既表情，仲細心同我地講解每種質料既特性

又主動攞D 新款俾我地試

結果雖然有少少 out budget，我地都係佢果度租多套衫影相

呢張係化妝師 Cary 幫我地影既 making of

Wendy 既復古婚紗加 John 既男禮係咪好得呢？

1 year to go~~~

明年既今日就係我同Funny 先生既大日子

我到呢一刻先至真真正正感受到待嫁既喜悅......吳知係咪因為前日啱啱影完pre-wedding 呢？？

果日雖然好攰，不過真係玩得好開心，Funny 先生話好似去完一趟旅行咁 XD

我知道Benny 好努力咁想幫我地影好呢輯相，而佢已經做到咗

就咁當日係佢部相機睇返 D相已經覺得好靚

我真係好surprise，完全 excess my expectation

希望Benny 快 D 執好 D相，我想快 D有得睇呀~~~~

Crest 美白牙貼

Miss Ho Ho 今日買咗盒新野返黎試

登
登
登
登
登
．
．
．
．
．
．
．


就係佢喇
Crest 美白牙貼
扮到靚靚去影相，又點可以忽略牙齒呢？
慳家既 Miss Ho Ho 當然吳捨得使成皮野去牙醫度漂牙啦！
之前睇過 Bubibu 既 blog
佢有詳細介紹盒野既功用同用法
所以我就買咗一盒番黎試
剛好萬寧而家又做減價，$234一盒

我而家試緊第一塊
真係好似其他網友所講，不停流口水........
希望效果真係ok 啦
因為我兩隻犬齒特別黃
之前去希臘女神影相
張相一放大，隻黃色犬齒就好鬼突兀......
搞到要俾錢執走D顏色，如果吳係幅油畫就醜死鬼囉........

Wendy's Bridal Salon

上篇講到我搵到 Wendy

佢間舖係尖咀龍城葯房對面既商業大廈

我係佢果度最後租咗兩套婚紗同一套紅色晚裝

我本來有試到有件小斗篷既仿古婚紗，我自己都鍾意小斗篷多D

但係Funny 先生都話我著呢件好睇D

而且小斗篷款式太多人著啦

所以我選咗呢件

呢件比較活潑D，我好鍾意個裙尾，而且呢件著得我瘦D....cccc

最後選咗件sexy D既紅色晚裝

可以影中環夜景

雖然Funny 先生有少少微言我選咗呢件衫係最多人既中環影相

不過我係豁出去

一生人一次

試下吖嘛

Big day果日我就吳敢咁著lu...



為咗我個vintage look，我去到佐敦裕華國貨搵復古遮 (係二樓抽紗部)

就係呢把，盛惠$170大元



我之後再去金都買咗lace 手套

至於個頭呢，我想要好似一頂帽，有少少紗遮住對眼果D

搵呀搵

俾我係尖咀百利搵到，只係租$150

嘻嘻，又搞掂一樣 :)

2nd Pre-Wedding

考完試之後，成個人懶散哂~~

好耐無上黎update 下個blog

我呢期忙緊畢業禮同自己俾錢果輯prewedding

我一開始本來諗住join Joesph photo

佢地既口碑好好，D相既質素都幾穩定，而且價錢都幾啱我budget

我地上過去佢地北角studio 睇板、傾過，但係最後都無join 到佢地
點解？

因為我地想影一輯好sweet 既相，要睇既人一眼就感覺到我地之間既愛

Joesph D相吳係吳好，但係太standard，好似個個post 一樣，無我地想要既感覺

我不停咁上網做research，再加上網友既介紹，我搵到 Benny Ng

佢係freelance 黎既

對影相好有熱誠，而且份人吳會斤斤計較

我最初係搵佢幫我地 big day 影相

後黎發現佢原來都有prewedding package

佢可以幫我地安排埋車、MUA同租衫

價錢完全符合我地既budget，只係吳包相簿

不過我地自己去咭片皇做都係幾百蚊

所以join 咗佢，10月24號去影lu~~

不過我地最後無去Benny 介紹既地方租衫

因為果度無我要搵既vintage 婚紗

為咗呢件婚紗，我不停咁上網research 咗差不多個幾兩個月

最初我搵到係銅鑼灣既 satis factory

佢地既婚紗真係古董

所以無得租，只可以買

大概＄8000一件！！！

完全out 哂budget.......

之後搵到一個專門買賣二手vintage 婚紗既外國網站 - Etsy

不過我望黎望去，都要幾百蚊一條，而且無得試

都吳知會吳會買返黎吳咁身又或者有問題．．．

機緣巧合之下，我搵到 Wendy

佢有訂造既仿古婚紗，而且可以

佢係尖沙咀

D衫全部係佢自己設計，比較歐洲款

簡單得黎好靚~~

開心死我 :D

我自由啦!!!!!!!!!!

今日終於考完三年黎既最後一科! 呢個degree 真係讀得有血有汗.....

如果吳係因為讀書，我同Funny 先生一早結咗婚lu~

我終於放假可以hea 下，吳使覺得內疚

年尾雙糧吳使攞哂黎交學費啦~~~~~~~

好多謝Funny 先生一直以黎黙黙支持，從無投訴我忙到無時間陪你

我好愛好愛你

希臘女神選相日

今日去咗希臘女神選相

老實講，有少少失望，又有少少預期之中

點講好呢？因為吳使錢又係第一次影既關係，我一早無咩期望

影得吳靚都無所謂，吳太差我都收貨

咁我都好容易第一輪就篩淨19張

有少少失望既係我本來仲對攝影師哥哥滿懷希望，點知.....有 D 相係個角度攞得吳好.....唉...我專登選條短裙去影，點知佢影到我對腳又粗又短

我有朋友係第度啱啱影完pre-wedding，佢仲肥過我啦，但係對腳都吳會又粗又短，攝影師哥哥可以低抄加嘛，咁對腳咪長D 囉

我地入去一坐低，係另一個sales 姐姐同我地傾，佢先俾我地睇一次 D 相

相係分兩批，一D 無effect ，一 D 有effect

然後佢開始sale 我地upgrade，加兩千幾蚊同三千幾蚊，細節我吳係好記得，大概都係可以攞返 soft copy 同多幾張相，最吳好既係有 D 做咗effect 既相同無effect 既相係無重疊架！！！

咁即係話如果吳加錢，有 D 影咗既相就無得選，我覺得佢地咁樣有少少奸囉.....

我地仲發現佢地吳係俾哂所有影咗既相我地選架！

咁之後我地正式選相，我地既策略係先將一定吳鍾意既 out，第一 round 後淨翻19張，再從中選出12張

因為我地無加錢，所以選相會盡量選 D 吳使執都睇得下既，不過當日化妝幫我 set 果個頭真係.......唉

呢個時候姐姐又叫我地加$1000 要個油畫框，我覺得真係無需要

第一︰我地第日屋企吳會掛吳大張油畫咁老土

第二︰我知道擺酒果日煌府係會供應油畫框既

第三︰我擺酒果日吳一定會擺呢張畫，因為我仲會俾錢影第二輯pre wedding

最後我地接受咗姐姐既意見，加$300 執油畫果張相，原因係張相會放到好大，遮下D 霞都好既

然後我地再加咗$280將12張細相放入一本mini 相簿

嗚嗚嗚......咁就使咗$580，我本來諗住一毫子都吳加架嘛......

我之所以一直堅持吳加錢要返soft copy，係因為我覺得如果真係好鍾意某幾張相，可以攞去 scan 再出去搵人執，其實吳會好貴

Lasik

Miss Ho Ho 今日去咗做激光糾視，因為太緊張，之前失眠咗成個禮拜

而家無事lu~

不過戴住眼罩，似個面上打咗兩個大交叉既咸蛋超人XDD

希臘女神拍照日

選咗衫之後果個禮拜一我地就倒塔咁早起身去希臘女神影相

原本約咗九點鐘，但係由於本小姐太掛住張床既關係，我地九點九先到........

我地由旁邊條樓梯直落下一層影相既地方，影樓其實吳係好大。有一個大廳，四邊有吳同佈景，外面有一個小小既後花園，裡面有三間化妝房，一個廁所，就係咁多

同我地同一個早上有4pair 人影相，所以其實我地早影有著數，一來無咁迫，攝影師哥哥都可以好 mood D

我一坐低，化妝師助手就幫我換衫，然後化妝師問我想點化個妝

有咗之前試妝經驗，我就話我想假睫毛痴兩層，咁隻眼可以大 D，髮型我無特別喜好，簡單大方即可

化出黎既妝都幾靚，只不過佢 set 既頭就......比較港式，而且佢搞我個頭搞咗好耐，噴咗勁多噴髮膠响我個頭度......no good

我之前試妝試小杏同 Sandy ，佢地一滴噴髮膠都無用過架，相隔個多月姐，我 D 頭髮吳係難搞咗咁多呀 fa.........

呢個係第一個造型

幫我地影相既係攝影師阿康同助手 sunny
我地先影園景，佢兩個都好好人，不停教我地擺咗好多 post ，又識搞笑，佢地竟然叫 Funny 先生做老公！
我都知我地擺 post 擺得超似機械人架啦......又拗腰又盛，我之後條腰仲痛咗兩日 >_<
呢個係第二個造型，我都幾鍾意條裙，著得我好瘦 wakakaka

我地之後回味返都覺得 D 相應該影得幾好，因為攝影師哥哥叫我地擺既 post 都係比較親密同 sweet 既，正正係我想要既感覺

下個禮拜選相，吳知影出黎點呢？如果全部都靚咁點算呀

1st Pre Wedding at 希臘女神

數數手指，都有差吳多1個月無 update 呢個 blog lu~~

呢排好煩，公司又多野做，D人事關係又煩.......>_<

不過我都做咗好多野，已經 confirm 咗 MUA，仲去希臘女神影咗我地第一輯婚照~~

呢輯相係free 既，我地係上年年尾係煌府訂酒席時送既。本來呢輯相要係訂酒席後3個月之內去影，但係我地吳想咁早，煌府都好好人，幫我地係張coupon 上面寫我地第二次落訂既日子，咁所以我地可以到今時今日先去影

個 package 包１套婚紗、１套晚裝、一套男禮、兩次化妝set 頭同配飾，影完後俾返12張 hard copy 我地

咁我第一次上去佢地緊係有sell 我地加錢轉 package 啦，加錢果D 野其他bloger 都有講，我就吳講咁多喇。

由於我同 Funny 先生之前都無影過婚照，我地想將呢輯相當係一個預演，我地又無經驗，又吳識，如果加幾千蚊影出黎吳靚咪好吳抵？所以個sales 叫咗我地考慮咗幾次我地都係堅持吳加錢轉 package，不過佢都無黑面

最後我地都淨係加咗 $100要個男士化妝，自己要預備乾濕粉卜、假睫毛、鞋、男士裇衫同內衣

試衫同影相都幾麻煩，只可以係 weekday

我地約咗星期一晚收工試衫，幫我地試衫既係另外既 staff，sales 吳會出現

佢地先俾相簿我地選衫，我一睇，嘩！！！好彩無加錢，都無咩款選。

由於我第一次試衫，都吳知自己著咩款咩色好睇，我就吳理好醜，選咗十幾件吳同色吳同款黎試。最意想不到既係，原來我著魚尾裙同鮮紅色好好睇～～

Miss Ho Ho 非常大鄉里，吳知原來個姐姐會一齊同我換衫，果日無預備走光褲或者legging，失禮死人

全程有姐姐跟住，我好辛苦先叫 Funny 先生幫我偷影咗兩張相

呢件衫係試衫姐姐吳小心攞錯俾我試既

最後我選咗一件短裙款拖尾婚紗同一件粉藍色蛋糕晚裝裙

之後就到 Funny 先生選禮服，得幾件款可以選，我地選晒黑、白、灰諗住試下佢著咩色好睇D，點知姐姐話我地個 package 男禮只係包黑色禮服，吳係fa........

正當我地扁緊咀既時候，好人既姐姐就話可以吳使加錢俾 Funny 先生選咗套銀灰色。呢件衫仲係啱啱返 jar，呵呵呵

姐姐最後都有問我地要吳要俾$250 租扎假花影相，咁我地緊係吳租啦~~~

搶搶搶搶搶搶

煩死我喇

而家結婚真係咩都要搶？？？

如果吳係學校考試，如果吳係過年後公司好鬼多野做，如果吳係 Funny 先生放吳倒假，如果吳係 Sandy 3月應承咗我試妝又改時間，我都吳使5月尾試兩個啦........

Sandy 已經 call 咗我兩次想改時間，因為有其他同日子既人想試妝，我 reject 咗佢

而家連另一個 MUA都話我知有人同我搶同一日，仲話吳使試妝即刻俾錢

仲有大大話話一年半，吳使咁急呀 fa........

我明白佢既難處，佢仲為咗咁失眠 (陰公)，點解有D人可以吳試妝就 confirm？！

其實我本來都係想 confirm 呢個 MUA架啦，但係成8千幾蚊，吳試咗先俾錢，好似吳知點咁！

唉.....咁啱呢個禮拜學校考緊試，點算？

Funny 先生仲未收工，想同佢傾下都吳得　

無啦啦搵到心頭愛 - 婚紗鞋

今日難得 Funny 先生星期日都可以放假，於是出咗去尖咀行吓，順便買條見得人既裙聽日見客

Miss Ho Ho 工作需要雖然要成日見客，但係係一個不折不扣既宅女，有時間寧願搵周公，又或者四圍搵好野食

好彩我 D 客多數係外國人，佢地根本吳會介意我著咩，所以我都著得好鬼求其，又或者臨急抱佛腳去搵衫

言歸正轉，Funny 先生行行吓話要去廁所，咁我地就去咗最就近既 DNA galleria

就係果度我發現咗一間買婚紗晚裝既鞋店

佢 D 款式好靚，吳似金都果 D 貨色，大部份鞋都係5 百幾6百蚊左右

我睇中果對鞋係最後一對(好彩仲要係我著開果個碼)，所以用大概4百蚊就有交易，我覺得勁抵，係DYOS 造一對都要6-7百蚊啦~

我地之後去百利，隨手攞起對鞋扮哂野問價都要5百幾，仲要個款係 common 老土，呢對鞋超抵！

影相吳係好覺，其實其中一隻係陳列品，所以有 D 色差，而且有 D 地方披口，不過我吳介意，因為當日吳會淨係影我對腳。

我成日係咁同 Funny 先生講我幫佢save 咗一筆錢啦又 (明明係我自己用咗4百幾，但係講成 save 咗4百幾)  XDDDDD

係咪好靚呢？前面睇合埋腳就會見到一個心形，而且夠高，有成4吋半~~~~~

前掌加咗1吋 platform ，行得都幾穩陣，腳底軟淋淋，涼鞋又吳會有刮腳既煩惱，簡直perfect！！呵呵呵，有D 買花讚花香~~~~~~

點解我要買4吋咁高？咪就係要襯返 Funny 先生 law...........佢天生高廋，但係我就細粒，如果我吳著高 D 會同佢有段距離，我吳想婚禮上出現電線桿掛老鼠箱既奇景

~~酒席二~~

我今日同 Funny 先生商量過 The one 煌府既 service 問題

因為佢仲係新開，我地決定靜觀其變，睇多 D comment 再作決定

不過到時我地一定會俾壓力佢，仲有會叫兄弟姊妹幫手睇睇，8點入席後佢地吳可以再帶人入去睇場

講返上次我帶埋 Fanny 先生上去煌府睇場，佢都無問題，於是我地攞咗價錢同 menu 返去研究

個場最多可以擺倒 70幾圍，可以淨係要 A 場 40幾圍，又或者 B+C 最多擺 30幾圍

由於我地親戚吳多，只係計畫要 25 圍，我地打算要 B+C

不過原來要俾 min charge 16K，menu 由$5888到$8388 (2010年價錢)

我地計咗條數好耐，都預咗要攞多2-3萬出黎，點知.......奇蹟出現！

我地上去 book 場既時侯係約咗佢地既 sales manager ，佢竟然話吳收我地 min charge ！只要我地擺夠20圍就得~~~~~~~~

好好笑既 Funny 先生即刻話咁佢可以坐埋一邊，接落黎我鍾意點傾都得.......

我去之前都有做功課架！我將各位 blog 友既意見同經驗集合成一張 A4紙再揸住續題問，真係好有用！如果各位有興趣，我可以email 俾妳地參考

佢地送咗回門乳豬、希臘女神 $4999 pre wedding 一輯、免費喜帖連印刷、金都成長片段俾我，所有席前飲品小食 buffet 免費，賓客汨車3小時，酒水(包汽水、橙汁，啤酒)$500，仲有免開瓶費

最正既係因為佢之前一個 sales 出錯既關係，佢地俾我地用$200既價錢換咗一樣好旬既野.......hehehe

同場我地見到吳剛 cf ，男友媽咪即刻要佢幫我地擇埋時辰上頭同出門，仲有到男家拜祖先既時間，呵呵呵.......又 save 番一筆去黃大仙既錢！

聽聞2011個 menu 加 $500，出年個價可能仲貴 D 添！

各位記得如果落實咗 menu，所有野都要酒樓/酒店寫哂落張單度呀！由其是係送既野﹐先小人後君子好 D

我吳想知.....

訂咗The one 煌府酒席都有差吳多四個月，我訂既時候仲係新開，就算係 "丫烏" 做 research 都無咩 comment，吳知佢 D service 係點，只係憑其他新人對煌府其他分店既意見做參考

呢幾日心血來潮再係"丫烏"做 research，多咗兩個comments，但都係.................................................................................................................................................................negetive 既，主要係話負責 table services 既 "炒散" 員工吳得同趕住收工

唉......我有 D worry.....

其實我第二次去既時候已然發覺佢 D 板間房吳得，一出門口就係A 、B 埸兩度門，而且仲係左右貼住。吳知係煌府吳俾擺野出門口定係點，兩對新人都淨係貼咗一張A3 size 既海布係門邊，勁似公屋門口

今日一返屋企，媽咪又話阿妹 D friend 去呢間飲過

佢地話 D 野吳好食、分餸枱係門口、價錢太貴吳值、仲有係人地擺緊酒既時侯仲會帶其他外人參觀 (時為八點後).............

咁我可以點？訂都俾咗.......我吳想再聽果 D 吳好既野！

唉............................................我都吳想咁早 book，不過而家的新人好鬼快手，book 遲 D 都無位，酒樓仲會按年加價！

吳好再講，我吳想知！！！

MUA 的選擇

上個月好忙，為公事過年去咗一趟瑞士，共啱果幾日天氣好到不得了，連人都放鬆落黎，玩多咗兩日，享受咗一個偷黎既小假期

我最近開始咗搵MUA 既大工程

其實早在計畫結婚初期，我就已經開始刨blog，亦大概知道自己想要的咩

港式太誇、台式太娘，都吳係我杯茶。唯獨日式的高貴、簡單、大方、典雅最得我心

結婚咁多樣野，除咗擺酒，我最最最重視MUA。新娘當日著咩衫大家之後都未必有印象，之但係新娘個樣呢就一定係全埸焦點！

之所以我而家至去搵MUA，係因為我持住自己仲有時間準備．．．．．結果出事喇

我本來short list 咗 Sandy Wong 同 May Chong ，之但係 May 覆我話2012年10月27日已經有客人約佢試妝

OMG!

咩而家ｄ人咁快手架咩？仲有年幾兩年就已經搵定 MUA，我以為我已經係好緊張架啦．．．．有人仲緊張過我，甘拜下風

雖然 Sandy 我都好鐘意，但係我又吳甘心試一個就confirm，一生人一次，我對化妝又所知甚微，而且涉及金額吳細，決吳能夠草率決定！

我只好臨急抱佛腳，再上網做功課

然後，我搵倒 Gingko 小杏

詳細睇完佢個blog 後，我覺得佢係一個好有heart 既 MUA，而且擅長修飾面部缺點

我開始有少少鍾意咗佢．．．

問題又黎喇，我試邊個先好呢？

Sandy 即場 confirm 送多一個trial ，呢個好重要，因為行禮前我先會confirm 倒自己著幾多套同款式，試妝費$500

小杏 D package 就包新郎化妝 set 頭，但係試裝費 $880

其實佢兩個價錢都係差吳多，我最後都係偏心咗，試咗Sandy 先，如果小杏 OK 就即場 confirm

以下係佢兩個既 blog link

Gingko 小杏

http://hk.myblog.yahoo.com/gingko_chan

Sandy Wong

http://www.fotop.net/merrymarry