煮野食就好似做實驗咁
有時隨意加減一下材料
就會變成吳同味道
淨係幻想製成品個味道就已經非常刺激
而家有自家實驗室
我更加可以為心愛既人做吳同既實驗
老公非常咀叼
煮飯俾佢食簡直係一項挑戰
好彩到目前為止佢都鍾意食我煮既餸^^
洋蔥燜牛仔骨好易整
weekend 燜好擺雪櫃
放工返黎加熱就食得
材料︰
洋蔥 4個
水 1L
牛肉高湯粒 4粒
牛仔骨 1kg
黑胡椒碎 1大匙
鹽 適量
牛油 20g
做法︰
- 洋蔥切條。鍋中下10g 牛油煮溶,加洋蔥炒至變軟及轉金黃色。
- 加入1L清水及4粒牛肉高湯粒,煮滾後轉小火加蓋燜半小時。
- 牛仔骨切大塊。易潔鑊下10g牛油煮溶,下牛仔骨煎至兩面金黃。
- 洋蔥湯煮好後加牛仔骨及黑胡椒,煮滾後用小火加蓋燜1小時至軟。加適量鹽調味。
- 可用普通食油炒洋蔥及煎牛仔骨,不過用牛油比較香。
- 沒有牛仔骨用牛肋條或牛肋骨亦可。
- 燜好後會有很多汁,可加少許生粉或麵粉煮至汁杰配意粉或薯蓉食用。