細佬結婚

細佬本來打算今年結婚，不過俾我打咗尖！

因為阿媽話細佬吳可以爬家姐頭..........其實我地兩個都無咩所謂

結果細佬而家要推遲到2013年

佢其實已經搬咗出去同女朋友住，今晚約我陪佢買求婚介指

自從佢搬咗出去之後個人成熟咗好多

好多人情世故佢而家都識做，仲識得為人設想

我呢個細佬出黎做野咁耐，從來無請過屋企人食過一餐飯

今日我地買完介指去食飯，佢竟然同阿媽掙俾錢

話啱啱出糧請食飯！

佢真係變咗

或者因為佢女朋友係獨女，俾佢更加吳識照顧自己

所以佢要變成熟D 去照顧女朋友掛.......

不過都係好事黎既

原來男人係要俾多D責任感佢架

我都應該俾多D責任感Funny 先生

Wedding Gown Hunting

自從開始努力寫返blog 之後，呢度既人流終於都多返少少......

希望可以盡力每個禮拜寫到一篇婚享啦！

當初會開呢個blog 都係基於一個回饋心態

我係其他B2B既blog 度搵到好多有用既資料，由零認識到而家略知一二

所以我覺得我都應該係度留返D野俾其他姊妹

希望我D 分享對妳 / 你有用啦！

呢期新屋裝修、搵自己衫、奶奶媽咪衫、姊妹衫，全部一次過黎.......個個weekend 都忙到癲

都係怪我自己太大安旨意，一心諗住去 wendy  度租衫就算

呢兩個weekend 上咗Wendy 度睇咗兩次衫

我主力睇vintage 款

Wendy D 衫係靚，不過佢果度無衫相睇

要靠你自己形容俾佢聽妳想要大概咩款

如果妳吳知自己想要咩，只有靠佢推介

睇得無咁全面，同埋佢推介果D 吳一定最合妳心意

妳想試果D 佢又吳一定俾妳試..........

不過，人夾人緣啦！

我係佢度都睇中咗一件旗袍、一件紫色晚裝

佢D 褂都好新淨

偏偏我就係睇吳啱vintage 婚紗，原來最靚果件我prewedding 已經租咗

oh...no.....！！！我個vintage 婚禮無vintage 婚紗點得？

而家要周圍搵過

大家有無好介紹？

我知spring wedding 有，不過out 哂 budget 呢................

按揭

承上篇，我地之後去搵銀行做按揭

因為我地同業主傾好咗三個月後先收樓，所以有比較充裕既時間去搞

我本來諗住先搵匯豐，如果出黎個息口太高，再搵另一間，因為我D朋友話我知銀行一般一個月倒就可以批出貸款

但係 Funny 先生話不如我地搵兩間同時申請啦，可以同時比較

於是我地同一時間申請咗匯豐同恒生

按揭 D 野我交哂俾 Funny  先生搞

一開始我地覺得匯豐個 sales 哥哥好D，佢開既offer 好好，個rate 好低，而且同Funny 先生好好傾

恒生個sales 姐姐開個rate 比較高，當我地同佢講匯豐開個 rate 比較低，佢都話會幫我地flight 下

點知.....最後匯豐offer 2.55% 而恆生 2.3%

點解同當初講差咁遠？

Funny 先生再去同匯豐溝通，哥哥話會再幫我地遞申請紙再試

佢一直拖延時間，拖咗我地成個月，到Funny 先生再去發最後通牒

哥哥先話佢可以offer 2.3%，不過條件係我地要幫佢買保險！

%^%^^^%&%^$$&#$#@#%%^$^#

有冇搞錯！恒生都吳使咁麻煩！我地最後都係幫襯恒生，因為佢老實 D

好彩Funny 先生醒目喳，如果吳係我地實因為時間緊迫而屈服俾匯豐！

各位第一次買樓既人要小心D呀！銀行按揭既差額可以好大，記得同時做兩間

再用低 D rate 去同另一間講價呀！

我地做咗業主啦！

一轉眼，離婚禮只剩大概7個多月

之前仲懶懶閑既Miss Ho Ho 終於醒覺時間緊迫，呢幾個禮拜急起直追

所以每個weekend 都超忙！

其實我地係上年年尾已經買咗樓，上個禮拜剛剛收樓

而家搵緊人裝修，不過真係好多野煩

我上網搵咗一個裝修 cf，仲有一個朋友介紹既

我要先搵佢地打下價先，再決定用邊個


講返買樓，其實真係有驚無險

我地犯哂所有新人會犯既錯，好彩都無咩 bad luck 事發生

由於我之前仲返緊學，一直都係99聯絡地產去睇樓，幫我地預先過濾

我都有上網做功課，留意住個呎價同走勢

我第一次去睇樓，係同99聯絡開既某大地產agent去

睇既單位算係幾四正，不過我覺得開價略高

點之個agent 就開始不停咁講野喇.......

咩呢個單位已經好平、業主企得好硬、呢種小單位佢地手上面已經無咩貨...brabraba.....

我問佢點解我係你地公司網頁見到有呎價小成3、4千蚊既同一屋苑同類單位既？

佢竟然答我話果D 資料係吳update 既，係公司用黎吸引客人既招數wor......

講多都嘥氣，我話我睇睇先就同99走

我返屋企之後再上網搵資料

係香港屋網見到有個比市價低既單位，係through 另一間地產 agent 放上去既

佢寫明低層單位，我都有心理準備架啦，個agent 都好老實，話係三樓以下

咁平....我都係抱住去睇睇既心態，預咗間屋甩頭甩尾，未必係好野

點知.....間屋道門一開.....我同99個心都嘩咗一聲

mug 咁企理既？仲係向西南！冬暖夏涼

睇完之後我同agent 講諗諗先，打算先冷靜一下，因為我前前後後只係睇過三次樓！

點之......我地離開之後99不停咁游說我

佢話鍾意就買啦，反正呢個單位咁企理，吳使點執

就係咁，我地係 Funny 先生仲未睇過層樓，又未通知佢(佢當時開緊工，仲未落埸) 既情況之下返咗去落訂

呢個非常之危險！因為我地當時仲未去銀行初步估價

如果銀行個估價吳到既話，我地除首期之外就要嘔多舊差額出黎

我係响果晚頭腦完全清醒哂之後先識得去查........

真係一額汗......好彩個經紀無呃我喳.........

介子枕

上篇講到我响淘宝搵復古介子盒

我淘黎淘去都係覺得吳夠 elegant.....

然後係一個外國網站見到一個好靚既自制介子枕

(url: http://www.marthastewartweddings.com/226604/silk-flower-ring-pillow)

呢個介子枕最特別之處就係介子係花芯

我地買既結婚介子比較幼，有一排閃石

做花芯啱啱好，又吳會俾立體既花形介子枕搶哂風頭

睇黎都吳係好難整，一於試下

我的Vingate 婚禮

自從影完輯vintage pre wedding 相之後，我就中咗vintage 毒........

Miss Ho Ho 決定要搞個復古婚禮！

由衫到化妝到裝飾全部都要復古風~~~

先從介子盒入手

我有一次行過海港城見到有隻蛋形介子盒好鍾意，但係賣成四百幾蚊.......吳捨得

所以我嘗試去淘宝搵 (click 圖片有連結)

呢個$26人仔

呢個$160人仔

呢個別128人仔，有D宮廷feel

呢個我覺得好荷蘭feel，$218人仔

最後呢個都係$218人仔

妳地又鍾意邊款多D？