Miss Ho Ho 工作需要雖然要成日見客,但係係一個不折不扣既宅女,有時間寧願搵周公,又或者四圍搵好野食
好彩我 D 客多數係外國人,佢地根本吳會介意我著咩,所以我都著得好鬼求其,又或者臨急抱佛腳去搵衫
言歸正轉,Funny 先生行行吓話要去廁所,咁我地就去咗最就近既 DNA galleria
就係果度我發現咗一間買婚紗晚裝既鞋店
佢 D 款式好靚,吳似金都果 D 貨色,大部份鞋都係5 百幾6百蚊左右
我睇中果對鞋係最後一對(好彩仲要係我著開果個碼),所以用大概4百蚊就有交易,我覺得勁抵,係DYOS 造一對都要6-7百蚊啦~
我地之後去百利,隨手攞起對鞋扮哂野問價都要5百幾,仲要個款係 common 老土,呢對鞋超抵!
影相吳係好覺,其實其中一隻係陳列品,所以有 D 色差,而且有 D 地方披口,不過我吳介意,因為當日吳會淨係影我對腳。
我成日係咁同 Funny 先生講我幫佢save 咗一筆錢啦又 (明明係我自己用咗4百幾,但係講成 save 咗4百幾) XDDDDD
係咪好靚呢?前面睇合埋腳就會見到一個心形,而且夠高,有成4吋半~~~~~
前掌加咗1吋 platform ,行得都幾穩陣,腳底軟淋淋,涼鞋又吳會有刮腳既煩惱,簡直perfect!!呵呵呵,有D 買花讚花香~~~~~~
點解我要買4吋咁高?咪就係要襯返 Funny 先生 law...........佢天生高廋,但係我就細粒,如果我吳著高 D 會同佢有段距離,我吳想婚禮上出現電線桿掛老鼠箱既奇景