我無準備派回禮禮物,因為我覺得好浪費
通常都係落得入垃圾桶既下場
以前阿媽果代結婚,會派喜糖
而家大家都會佈置一個candy corner
吳單止順應傳統,仲會多一個俾賓客既影相位
佈置 candy corner 當然吳少得candy jar 啦!
經過我一輪既 research,發現有以下幾個地方可以買到
- E&M 開倉
- 旺角花墟
- 深圳筍崗
據我從其他blogger 既資料所得,大概$150-$200 一個
E&M網址: http://emcollections.tripod.com/
第二個一定有 candy jar 買而又俾E&M 平既地方係旺角花墟既花地園藝
我同Funny 先生去過果度一次,真係超級多candy jar!
咩size 都有,價錢視乎個jar 既大細而定
地址: 九龍旺角花墟道6B地下
從旺角火車站行落去比較近,就近雀仔街入口
第三個地方係深圳既筍崗
相信大家都聽過買婚慶用品既筍崗合興、鵬鵬
果度有個家庭用品中心,係一D買絲花既舖裡面會有candy jar 買
我見有blogger 用幾十蚊rmb 買咗個 candy jar
我下個禮拜會同Funny 先生上筍崗買婚慶用品
到時順便昅下D candy jar 再同大家報告
我見過日本城都有得買類似既玻璃瓶, 你可以去睇睇啊!!!
回覆刪除