吳好覺得奇怪，因為 Miss Ho Ho 係一個白痴！
哈哈哈，我到今日先發現原來 Yahoo mail 會 email 通知我架~
所以之前成日miss 咗或者遲覆你地D留言.....
入番正題，今個星期係開始裝修既第三個禮拜
間屋基本上係無咩變化既，因為今個禮拜係油牆週
我今日上到去仲係批緊灰，大門口燈糟就已經造好
油牆其實好多工序
將舊牆紙拆咗之後仲要髹底油、批三層灰、砂紙打磨，再油三層護牆漆
所以要預一個禮拜俾 cf
撞正今個禮拜落雨，所以要等耐D時間吹乾
我尋晚收到cf call ，話可以預備定要裝既抽氣扇同門鎖
Funny 先生星期六無得放假，唯有自己快手快腳搞掂三把抽氣扇俾cf 先啦
今日又落大雨，拎住三大盒抽氣扇，我連遮都無手拎呀
最後當然無驚無險送到上新屋啦~~
之後再去旺角等Funny 先生落場買埋房門鎖、大門鎖同特色牆牆紙
今日又使咗二千幾蚊啦
到底仲有幾多錢未使？？？
Hello, 我屋企而家都裝修呀，咁又跌左7-8萬@0@
回覆刪除