話咁快仲有100日就結婚啦!
我覺得我而家係緊張多過興奮
一來覺得好似好多野仲未預備好
間屋裝修咗個幾月仲未搞掂.....cf 之前話大約3個禮拜就得
係咪因為我同cf 講過叫佢吳使急,最緊要手工好呢?
其實 so far cf 真係幾好,D野跟得好足,我只係1星期上去一次
第二件事就係同99相處既問題
佢總係有好多令我發狂既奇怪規矩
基本上我地相處都ok
我有個結咗婚10年既朋友同我講過
就算婚前同99相處得幾ok 都好
婚後由於妳係加入佢屋企既一份子
佢同妳既關係就會變成 "從屬關係"
即係晌佢心目中妳係佢條 "靚"
所以想婚後好過D,吳使妳老公難做
就要識得討99歡心
我初時淨係覺得佢講得好有趣
而家先開始明白
吳知妳地有無遇到呢D問題?
我都好擔心呢個問題, 依家相處都OK, 婚後我都會同埋佢屋企人住, 身邊有好多朋友都因為呢個原因搬左黎出住!!!
回覆刪除係架....如果個男人係唔敢駁阿媽咀果d, 仲大鑊....相見好, 同住難, 係因為阻止唔到99因為關係, 而想法改變... 能力許可的話, 真係唔好一齊住...
回覆刪除同住真係有好多問題....
回覆刪除同一句說話, 個仔講好地地,
但由新抱講, 99會同個仔投訴...
依家好多野我都唔會出聲, 會同老公講, 由老公把口同99講...
我add左你呀, 可唔可以add我呀?
我都擔心緊呢個問題呀。。我唔係大家庭出生,唔係幾識好主動做D門面功夫
回覆刪除